కేరళలో మరో యువవతి చంచలనం

0
85

కేరళ స్థానిక సంస్థల ఎన్నికల్లో మరో యువతి సత్తా చాటారు. పథానంతిట్ట జిల్లాలోని అరువప్పులం గ్రామ పంచాయతీ సర్పంచ్​గా 21ఏళ్ళ రేష్మా మరియం రాయ్​ ఎన్నికయ్యారు. గ్రామంలోని 11వ వార్డు నుంచి ఆమె 70 ఓట్ల ఆధిక్యంతో గెలుపొందారు.

నామినేషన్​ దాఖలు సమయంలోనే రేష్మా అతి చిన్న వయస్కురాలిగా వెలుగులోకి వచ్చారు. 2020, నవంబర్ 18న ఆమె 21వ ఏట అడుగు పెట్టారు. మరుసటి రోజే ఆమె నామినేషన్​ పత్రాలు సమర్పించారు.

పథానంతిట్ట కొన్నిలోని వీఎన్​ఎస్​ కాలేజీ నుంచి డిగ్రీ పట్టా పొందిన రేష్మా.. గతంలో పలు సంఘాలలో పని చేశారు. డెమొక్రాటిక్​ యూత్​ ఫెడరేషన్​ ఆఫ్​ ఇండియా (డీవైఎఫ్ఐ​) జిల్లా కమిటీ సభ్యురాలిగా, స్టూడెంట్​ ఫెడరేషన్​ ఆఫ్​ ఇండియా(ఎస్​ఎఫ్​ఐ) జిల్లా సెక్రెటేరియేట్​ సభ్యురాలిగా, కమ్యూనిస్ట్​ పార్టీ ఆఫ్​ ఇండియా మార్క్సిస్ట్(సీపీఐఎం) పలు శాఖల్లో కమిటీ సభ్యురాలిగా ఉన్నారు.